وقال محمد عبد المنعم "موظف": "الكهرباء بتقطع في أثناء شغلي مش بقدر أكمل شغلي ولما أروح أستريح الجو حر ومفيش كهرباء دي مش عيشة وفي الآخر فاتورة الكهرباء بتكون مرتفعة". مضيفًا: "الوضع أسوأ من الأول، وأنا بطالب زي ما الانقلاب بياخد حقه مني، يديني حقي بتوفير التيار الكهربائي".
وأضاف علاء كمال صاحب سوبر ماركت: "لما الكهرباء تقطع تتسبب في خسائر كثيرة للبضائع الموجودة بالثلاجات والخسائر كثيرة ومحدش حاسس بينا".
وتابع فادي سعيد "تاجر" "يعني لما الكهرباء تقطع كل يوم 8 ساعات هشتغل إزاي وأنا شغلي كله على الكهرباء".. وأضاف أيضًا "اتصلت على شبكة الكهرباء بالقوصية بقوله إحنا في منطقة غرب البلد النور قطع 6 ساعات متواصلة وفي مناطق عمرو وشرق مش بيقطع غير نصف ساعة رد عليا أحد مسئولي الانقلاب بالشركة بالنص "اخبطوا دماغكم في الحيطة"".
وقالت الدكتورة "ح.أحمد" "انقطاع الكهرباء وتوقف جهاز الإشاعات تسبب في مضاعفات لدى المرضى الذي يعانون من أمراض مفاجئة لعدم التعرف على نوع المرض".
وشهدت حالة غضب بين شريحة العمال بسبب توقف عملهم قال محمود سيد "عامل سيراميك وسباكة": "شغلي كله على معدات بالكهرباء لما بتقطع الكهرباء بيتوقف عملي، وذهبت لعملي وجدت النور قطع قبل الظهر واستمر ساعتين هعمل إيه تركت العمل وذهبت إلى المنزل وتوفف شغلي بسبب الكهرباء".
