سادت حالةٌ من الغضب الشديد بين أهالي محافظة سوهاج لتفاقم أزمة انقطاع الكهرباء بقرى ومراكز المحافظة؛ حيث تجاوز الانقطاع في بعض الأحيان إلى 8 ساعات على مدار اليوم؛ ما تسبب في تعطيل كل مرافق الحياة بالمحافظة.
وتسبب ضعف التيار الكهربائي وتكرار انقطاعه، إلى تلف عشرات الأجهزة الكهربائية هذا بخلاف غلاء فواتير الكهرباء التي تصدم المواطن- على الرغم من عدم وجودها.
وقال الأهالي: أصبحت الكهرباء ضيفًا خفيفًا يحل من آن لآخر؛ حيث قال: "رمضان جاد": النور عندنا يقطع بمواعيد كل يوم، لو واحد مش عارف الساعة كام يقدر يعرفها لما النور يقطع، ومحدش بيسأل فينا.. ليل نهار الكهرباء مقطوعة".
وأضاف "حسن أبو روش": "والله إحنا خلاص فاض بينا، مفيش بيت دلوقتى غير ما بيعتمد على الكهرباء في كل حاجة، حتى البوتاجاز دلوقتي بيولع بالكهرباء بدل الولاعة، فين مسئولي الانقلاب؟".
وعبَّر "محمد بهنساوي" قائلاً: "مفيش غير حسبي الله ونعم الوكيل، مش هنتكلم عن البيوت والكهرباء ولا حاجة، إحنا مش بنسمع تقريبًا غير أذان الفجر والظهر لو أمكن، لأن مفيش إمكانيات إننا نشتري مولدات للمساجد اللي هنا في القرية، ومفيش بيت فيه مولد، تخيل النور قاطع فى اليوم 5 ساعات، وزيهم بيبقى ضعيف، يرضى مين ده؟".
وأضاف "مصطفى أبو الدهب ": "هو قالها قبل ما يترشح: معنديش.. مفيش.. مش قادر أديك، وهو دلوقتي بينفذ البرنامج الانتخابي.. قطعها علينا نور وميه، وحسبى الله ونعم الوكيل، ما كناش قادرين نصبر على اللي الطيب جالنا ال يعذبنا ويمرمطنا".
