اشتكى فلاحو قرية ترسا بمحافظة الفيوم من غرق زراعتهم في مياه الصرف الصحي، حيث ان الترعة الرئيسية التي تغذّي القرية والقرى المحيطة بها تبدأ من منطقة منشأة عبد الله بالقرب من مدينة الفيوم، والتي تقوم عندها محطة الصرف الصحي التابعة للمنشأة بالتسريب على الترعة، مما يسبب التلوث بها.
وقال الحاج أبو خالد، أحد المزارعين: "المية بتيجي لنا طبعا مش صافية ومش نضيفة، وبنضطر نسقى بيها، هنعمل إيه؟ هنبوّر الأرض يعني؟ واشتكينا لمسئولي الانقلاب بالوحدة الزراعية هنا قالوا لنا ده تبع المجلس المحلي، والمجلس المحلي يقول لنا ده مش اختصاص المنطقة بتاعتنا، واشتكينا فى الفيوم، ولا حد راضي يحل لنا المشكلة".
واضاف محمد سعيد، مزارع: "المية اللي بنروي بيها بتأثر على الزرع وعلى صحة الناس، بس هنعمل إيه مش بإيدينا حاجة، الحكومة مش خايفة على صحة الناس، وإحنا بنزرع وخلاص".
وتابع الحاج صلاح، أحد المزارعين: "المية باين عليها إنها ملوثة، لونها أبيض من المواد الكيماوية اللى بيستخدموها في محطات الصرف الصحي، واشتكينا وكتبنا شكاوى من زمان، الموضوع ده أصلا مش من قريب، يعنى لا يوم ولا اتنين، ده بقاله سنة".